【聲明】港生活網站並無進行電話推廣活動

黛安
黛安

九龍倉全港中學生 繪畫比賽接受報名 得獎者可往海外交流

發佈時間: 2021/10/22

九龍倉全港中學生 繪畫比賽接受報名 得獎者可往海外交流

黛安知道九倉一直致力推動青少年嘅藝術教育同發展,聽公關姊妹講,新一屆「九龍倉全港中學生繪畫比賽2021-22」已開始接受報名,截止日期係明年2月11日。姊妹話,今屆比賽特別同香港設計中心合作,新增主題特別獎,鼓勵參賽中學生以此為題,發揮想像同設計未來城市,成為「城市夢想家」,除咗有繪畫組別外,仲設有數位繪圖組別,等大家嘗試以唔同媒介創作。

以往每年都有來自250幾間中學參加,過去10年已收到近2萬件作品。姊妹仲話,得獎及入選作品會喺海港城、時代廣場同荷里活廣場作巡迴展覽外,首18名得獎者仲可以去海外交流,藉此拓闊視野,而且可以申請獎學金,有機會獲全額資助喺本地或去海外大專院校學習㖭。有興趣報名可以【按此】瀏覽。

撰文: 黛安 消息特靈八卦公關
欄名: 八卦名利場