【聲明】港生活網站並無進行電話推廣活動

黛安
黛安

UNY將軍澳開新店 日韓台中西美食雲集

發佈時間: 2021/10/26

UNY將軍澳開新店 日韓台中西美食雲集

香港人鍾意歎美食,近年UNY生活創庫積極拓展業務,黛安收到風,UNY會喺11月初開第3間分店,選址將軍澳新都城中心二期,佔地34,000呎,有高級日式超市及集結日韓台中西美食,當中UNY超市除咗有日本新鮮直送食材,仲特設環球洋酒及清酒部,店內更設有寵物專區,精選逾1,000款寵物用品及食品。此外,新店更首設UNY自家乾式熟成(Dry-aged)牛肉服務,同場更有沢屋、日本人氣食材店久世福商店及味の兵四郎等優質生活雜貨㖭!

韓迷記得去K Food Town潮流韓食專區朝聖,因有多間韓國大熱食店進駐,包括韓國大熱嘅急凍韓食品牌COOKAT MARKET、腐皮壽司專門店DOJE等;仲有韓式麵包店GOSO GOSO,星級推介必食嘅抹茶吉士醬牛角包鬆餅,真係好好味;而精品咖啡店Fifty Fifty就有多款獨特口味嘅牛角包窩夫,如港式奶醬、柚子蜜糖等,配埋精品咖啡簡直係雙重享受。

新店開幕期間仲有3重精采優惠禮遇,多款精選商品喺指定日子會以優惠價發售,消費滿指定金額更有獎賞,大家記得留意UNY嘅官網或fb公布最新詳情喇。

UNY將軍澳開新店 日韓台中西美食雲集

潮流韓食專區有多間韓國大熱食店進駐,包括急凍韓食品牌COOKAT MARKET。

UNY將軍澳開新店 日韓台中西美食雲集

UNY生活創庫

撰文: 黛安 消息特靈八卦公關
欄名: 八卦名利場