Pret A Manger善心傳遞窩心滋味

佳節當然要同親朋好友歎下美食，英國美食品牌Pret A Manger由今日起至明年1月4日期間，會推出一系列限定派對美食及有獎小遊戲，並透過捐贈未售出嘅食物畀慈善機構「樂餉社」（Feeding Hong Kong），以善心傳遞窩心滋味。

今年佢哋以「今個聖誕，多一份慷慨」為主題，為大家準備咗唔少節日美食，包括節日輕食美點、限定特飲、湯品及沙律等，如「聖誕精選火雞午餐三文治」、「聖誕乾果批」等。同時設計咗「齊來找找Melvin小雪人」有獎小遊戲，凡購買限定聖誕系列美點，均可獲遊戲卡，有機會贏得「咖啡師調製飲品（12安士）乙杯」電子換領券。佢哋仲會將未售出嘅食物及剩餘食材，透過「樂餉社」轉贈有需要人士，而顧客選購指定8款節日美點，品牌亦會捐$1畀「樂餉社」，為有需要人士送上祝福㗎。