【聲明】港生活網站並無進行電話推廣活動

黛安
黛安

太古「白色聖誕市集」回歸 奇幻特別節慶體驗

發佈時間: 2021/11/19

太古「白色聖誕市集」回歸 奇幻特別節慶體驗

想過一個難忘聖誕?咁就要去太古坊睇下喇!黛安收到風,闊別兩年嘅太古地產「白色聖誕市集」將回歸,今年市集以昔日太古糖廠鮮為人知嘅小故事為靈感,並以「聖誕老人奇幻工廠」為主題,下月2日至5日喺太古坊糖廠街舉行。焦點活動包括3個打卡熱點︰飄雪齒輪令訪客置身於漫天飄雪、喺聖誕滾輪前同聖誕老人合照,及見證沖天聖誕鹿車起飛嘅神奇時刻。

市集共有30個聖誕主題攤檔、現場表演及手工藝工作坊,並提供一系列由香港東隅酒店、enoteca及糖廠街市集指定商戶預備嘅特色外賣小食同飲品。呢個活動係由太古地產Placemaking Academy嘅7位本地大學生策劃及執行,活動籌集所得嘅善款將全數撥捐「愛心聖誕大行動」。

撰文: 黛安 消息特靈八卦公關
欄名: 八卦名利場