【聲明】港生活網站並無進行電話推廣活動

黛安
黛安

海港城化身聖誕客運站 亮燈活動揭序幕

發佈時間: 2021/11/19

海港城化身聖誕客運站 亮燈活動揭序幕

每年海港城嘅聖誕布置為唔少人帶來美好回憶。公關姊妹話,今年海港城以「Christmas Terminal」為主題,今日起海港城就化身「聖誕客運站」,迎接每位旅客。噚晚佢哋直播亮燈活動,兼首度邀請市民現場參與。現場以無伴奏合唱聖誕歌曲揭開序幕,由九龍倉置業有限公司執行董事凌緣庭及香港血癌基金會長林谷薇麗主持亮燈儀式,並以煙火同漫天紙碎營造聖誕飄雪效果;聖誕老人大派禮物,真係好有聖誕氣氛。

黛安知道,今日起至明年1月2日,一眾可愛曲奇造型嘅動物就會齊集「聖誕曲奇客運大樓」,現場更提供專業攝影服務,大家可登上巨型行李箱盡情打卡。如果穿過「行李輸送帶」就可到2樓嘅「聖誕禮品店」,可選購特色包裝「曲奇」嘅手信。

此外,海港城喺「Harbour Cityzen」手機應用程式仲推出咗「聖誕曲奇」有獎遊戲,只要出發前喺「客運站」唔同地方集齊指定「聖誕曲奇」,就可換領獎品喇。

撰文: 黛安 消息特靈八卦公關
欄名: 八卦名利場