7-ElevenΧSanrio掛包 9款人氣角色附mono Tote 方便實用

黛安出街都會帶備幾個購物袋，公關姊妹話，7-Eleven將推出Sanrio characters「收納掛包+ mono TOTE」，有齊9位人氣角色如Hello Kitty、My Melody、布甸狗、AP鴨、大口仔等，每套分別有「收納掛包」及「mono TOTE」各1個，方便實用，星期三（24日）起就會登陸7-Eleven，儲齊6張印花加$48可換1套，或用yuu積分換購。

今次嘅收納掛包用咗合成皮革物料製造，掛包上有唔同Sanrio characters大頭公仔嘅刺繡圖案，製作精緻；而掛帶則附有啪鈕，可扣喺手袋上兼放置隨身物品，好似八達通、學生證等。至於附帶嘅Tote bag就以Monotone拼色設計，印有各個角色嘅大頭造型，可手挽或揹上膊頭，無論放文件夾、筆記型電腦或日常用品都得。

此外，7-Eleven仲會聯乘Sanrio推出網上揭揭賞遊戲，星期三（24日）起至12月14日登入遊戲網頁︰【按此】瀏覽即可參加，即揭即賞豐富獎品！