3M香港STEM體驗工作坊 啟發學生科研興趣

最近3M香港為慶祝在港紮根60周年，以「3M香港六十載科技發展創未來」為主題舉行咗連串活動，仲特設6場STEM體驗工作坊，請咗鮮魚行學校、聖母小學等多間中小學嘅學生，到訪辦公室體驗區，學習「過濾及淨化」、「光學及隔熱薄膜」、「回歸反射」及「黏貼」科技同原理，仲透過模擬示範和濾水器設計分組比賽，體驗企業點樣透過唔同科技平台改善生活，從中掌握科學知識。

黛安聽3M香港有限公司總經理鍾漢斌分享，佢話生活中到處都可以接觸到創新科技嘅應用，期望企業日後能多舉辦同類STEM體驗工作坊，畀唔同班級背景嘅學生有機會接觸科學，透過體驗學習，啟發佢哋對科學和科研嘅興趣，從而培養有志科研嘅人才。