【聲明】港生活網站並無進行電話推廣活動

黛安
黛安

設計顯心思 換領要快手 靚爆商場利市封

發佈時間: 2022/01/07

設計顯心思 換領要快手 靚爆商場利市封

近日黛安收到唔少公關姊妹寄嚟嘅利市封,好多商場都落足心機設計呀,好似新地旗下商場北角匯、荃錦中心及新領域廣場聯合推出嘅「新春遇‧花‧緣」立體利市封,祝福港人遇見花開即「緣」滿。利市封有2款設計,分別以象徵健康嘅重瓣長壽花及寓意幸福嘅重瓣天竺葵為靈感,用咗3層花瓣設計呈現3D立體層次,而且一改傳統,將利市封「開口」設喺中間「花芯」位置,希望大家打開封利市就可以「開開心心」!

同屬新地旗下嘅MIKIKI、卓爾廣場、錦薈坊、寶怡商場就聯手製作咗1套「繁花似錦利市封」,採用細緻鏤空雕刻鎏金設計,背景係色彩斑斕嘅花海,有花開富貴嘅意思;MIKIKI仲同新地3大商場,特別推出ULTRAMAN超人利市封,以超人嘅堅毅意志同強健體魄,祝大家身體健康。只要成為新地商場The Point會員,憑指定積分及消費額,就有機會換到上述商場嘅利市封喇。

另外,今年太古城中心亦會推出「楽滿祝福」利市封套裝,融合中日風情,1套4款利市封參照傳統和風「祝儀袋」風格,印上如意「水引」繩結,猶如繫上祝福,仲有用充滿現代感嘅幾何圖形砌成嘅金魚同雲鶴,祝福大家如魚得水,心想事成;另1款就有飛上天際嘅丹頂鶴,象徵帶住幸福飛往親友。消貴滿指定金額及登記成為LIVE+正式會員,就有機會換到。想知更多換領詳情,可向各大商場查詢。

設計顯心思 換領要快手 靚爆商場利市封

ULTRAMAN超人

設計顯心思 換領要快手 靚爆商場利市封

新春遇‧花‧緣

設計顯心思 換領要快手 靚爆商場利市封

楽滿祝福

設計顯心思 換領要快手 靚爆商場利市封

繁花似錦

撰文: 黛安 消息特靈八卦公關
欄名: 八卦名利場