【聲明】港生活網站並無進行電話推廣活動

黛安
黛安

麥當勞招財福堡載譽歸來 牛堡即日率先登場 新春限定My Melody包裝

發佈時間: 2022/01/10

麥當勞招財福堡載譽歸來 牛堡即日率先登場 新春限定My Melody包裝

每次新年,麥當勞都會搞搞新意思,公關姊妹同黛安講,一系列麥當勞新春限定美食又將載譽歸來!大家都好熟悉嘅招財牛堡同黃金脆薯牛堡,即日起率先登場,到今個月24日就有全新嘅「黃金菠蘿雞堡」,以鬆軟麵包配上板燒雞腿同爽脆生菜,再加入酸酸甜甜原片菠蘿,等大家大「雞」大利;同日仲有經典招財雞堡回歸,4款招財福堡都咁有特色。

仲有全新紅豆吉士粉紅批

如果係My Melody粉絲就要注意喇,因為今次新春限定食品係用上可愛嘅My Melody卡通圖案包裝盛載㗎。姊妹仲話,今日去麥當勞更可買到全新登場嘅紅豆吉士粉紅批,粉紅色酥脆外層配上香甜綿滑嘅豆沙同吉士醬;而小龍蝦湯及大大杯白桃梳打亦會同步回歸;即日起買任何招財福堡套餐,仲會獲贈精美利市封㖭。

此外,即日起麥當勞親子會會員更可以用麥當勞App電子優惠券,優先以$48換購My Melody開運籃,粉絲唔好錯過啊!

麥當勞招財福堡載譽歸來 牛堡即日率先登場 新春限定My Melody包裝

全新紅豆吉士粉紅批,粉紅色酥脆外層配香甜綿滑嘅豆沙同吉士醬。

撰文: 黛安 消息特靈八卦公關
欄名: 八卦名利場