「牛舞Gyumai」落戶觀塘 低至$198放題歎靚牛

黛安收到風，去年進駐香港、首間引入樂天澳洲L'grow和牛及自家農場鹿兒島薩摩牛嘅「牛舞Gyumai」，本月中會喺觀塘開設4,500呎嘅分店，並推出多項優惠。例如8款午市燒肉及涮涮鍋套餐，包括「日本薩摩和牛午市套餐」、「澳洲樂天和牛午市套餐」等，堂食有7折優惠，只需$83起就可以食到優質美饌。另外，5款靚牛和特上豚肉燒肉放題套餐低至$198就歎到；每位如果加$48，更可以暢飲多款清酒、梅酒及紅白酒等。除咗頂級和牛，餐廳仲有美國和牛、安格斯牛等，以及包括甘蝦和油甘魚等多款刺身嘅125種放題食品。

姊妹話，店內提供多款全日供應嘅燒肉及涮涮鍋放題，更可免費享用「牛舞拼盤」及「特上豚肉拼盤」，喺新店開幕首2個星期（即日至1月31日），更可免費升級至A5「4%奇迹之牛」拼盤。依家登記做「牛舞Gyumai」赤牛會員，可獲晚市套餐$50現金券、涮涮鍋迎新優惠和生日月份晚市套餐$100優惠券。消費滿$10,000即可升級做黑牛會員，會有更多獎賞㗎。