2015年就預言這次疫情

有好幾位高人之前已經預言呢個疫情會出現，其中一位曾仕强教授，曾從事中華文化和西方現代管理哲學實務研究，在國學、企業管理、哲學、教育等諸多領域有相當造詣，後獲得美國杜魯門州立大學教育行政碩士，以及英國萊斯特大學管理哲學博士學位。英國牛津大學曾授予佢管理哲學榮譽博士學位。佢畢生致力精研《易經》，解讀中華道統文化嘅奧秘。

機緣巧合下，畀我睇到佢2015年一個公開場合錄影片段話︰「呢5年會係人類死亡非常多嘅一個階段。老天第一個用嘅叫瘟疫。呢個瘟疫傳播得好快，係無藥可醫嘅。」雖然而家有藥面世，至少講到呢個疫症真係應驗咗。我開始睇曾教授嘅公開演講，唔係因為佢預測未來大事，而係佢會用一啲事件帶出一啲哲學同《道德經》，導人向善。

佢嘅公開演說中，唔會用詞太深，意思卻深遠。例如︰

一、躁勝寒，靜勝熱。清靜為天下正。你清靜無為，當然，無為不是不做事，而係你所做嘅每一件事都係要符合自然規律，呢個先至係處天下嘅正道。

二、善建者不拔，善抱者不脫。如果能夠不拔、不脫，做到善建、善抱，那你就係一個很會立德嘅人。

解釋︰一個擅長建立自己德性嘅人，會做到兩個字——不拔。不拔嘅意思就係無論你想用任何方法去影響人，都拔除唔到對方身上良好嘅德性。假如人哋用錢、升遷你，嚟要你放棄德行；或稍微畀啲好處或捧高你，你嘅德就唔見咗。呢種人好輕易就拔了。

佢講嘅嘢，我通通都做唔到。雖然我唔期望能做聖人，至少希望我可以向住做一個好人出發，唔知會唔會太遲呢？遲做好過唔做，世事難料，今日唔知聽日事，我希望至少有少少面見耶穌。

（本欄逢周四刊登）