合味道紀念館至筍優惠 特價買日清80款食品

黛安一向積穀防饑，屋企長期備有零食同杯麵。公關姊妹話，合味道紀念館香港即日至18日，再次推出「日清美味BUY & TRY」至筍優惠，齊集超過80款日清食品，等大家以試食價大手辦年貨，當中包括$30有10包經典系列麻油味出前一丁、$15兩個辣番茄味合味道大杯麵等。另有限時推出嘅$19「出前一丁」新春版5包裝，仲附送達摩清仔利市封一套（5個）㖭。

即日起至2月15日，買日清產品滿$100即可免費領取兩套達摩清仔利市封，更可到紀念館與換上新春浴衣嘅清仔清妹喺桃花裝飾前合照！

姊妹仲話，農曆新年期間，紀念館會照常開放，大家仲可以報名參加工作坊，包括「我的合味道工作坊」、「穀物麥片工作坊」同「出前一丁工作坊」，親手製作獨一無二嘅食品，票價分別為$60及$120。如想參加工作坊，記得提前喺網上預約喇（www.cupnoodles-museum.com.hk）。