MIRROR 3子聯同麥當勞App 一連3周派重磅福利

麥當勞App每個星期都提供唔同優惠益會員，黛安收到風，本周佢哋將一連三星期大派重磅福利，逢星期一至五聯同MIRROR 3子姜濤、Anson Lo（盧瀚霆）和Edan（呂爵安），推出唔同獨家美食優惠。首周（16至20日）會由Edan打響頭炮，今早11點後，Edan會為粉絲送上「$25歎麥樂雞（6件）及蘋果批配中汽水」；其後登場嘅「$26歎四重芝士洋蔥牛堡配中汽水」和「$26歎雙層火腿扒芝蛋飽配中汽水」優惠，芝士迷和食肉獸一定唔可以錯過啊！

「世一貼紙」具收藏價值

另外，麥當勞App用戶喺推廣期內選購MIRROR成員精選嘅指定電子優惠券，仲可獲姜濤、Anson Lo或Edan嘅「世一貼紙」，將唔同造型嘅貼紙貼喺隨身物品，隨時都可以見到偶像啦！呢批限量版貼紙印有佢哋為麥當勞拍攝唔同造型嘅花絮，別具收藏價值。而早前MIRROR三子幫麥當勞App拍攝嘅宣傳短片，首段短片而家喺麥當勞官方facebook專頁亦有得睇喇。