可樂的回憶

上周滂沱大雨之後，天氣迅即轉涼，心郁郁想打邊爐，便叫Maria去準備。

她三扒兩撥，魚、蝦、帶子、牛肉、魚蛋等火鍋材料就上枱，當然少不了啤酒和可口可樂！

表妹攞住那罐可樂，說不知是否心理作用，總覺得樽裝的可樂好飲啲！

我又唔多覺，只記得那些綠色揸腰的玻璃樽可樂，小時候是幾毫子一樽！去士多買，有「按樽制」，只要將喝完的可樂樽拿回士多，就可獲退回一毫子。

除了可樂，那時候訂鮮奶，每天都會送到家門口，飲完鮮奶後，將玻璃樽洗乾淨再放出門口，翌日就會有人來回收。

那時未有環保的意識，相信是因為在匱乏的年代對物資的珍惜而已。如今，回收玻璃樽的方法和以往大大不同了。

玻璃樽裝版可樂自去年退役後，相信不少忠粉無論是去大牌檔、茶餐廳等，正如我表妹一樣，無得飲樽裝可樂都會感到一陣失落。

不過，玻璃樽裝的可樂已經以更環保的面貌回歸啦！新包裝的樽身使用60%再生玻璃物料製成，重量較舊樽輕三分之一。

唔好以為輕咗就少咗嘢飲啊！反而有增無減，由192毫升增加至250毫升，對可樂迷而言必然是一大喜訊。

（本欄逢周五刊登）