譚仔6.28拍賣20個特別版NFT 得主免費食1年365碗米綫

譚仔國際有限公司早前公布進軍The Sandbox元宇宙，本周日（19日）就會公開發售首個慈善NFT系列「Souper Hero」，黛安聽聞，項目第二階段即將展開，6月28日將公開拍賣20個特別版NFT，但凡喺拍賣前成功持有譚仔NFT「Souper Hero」嘅擁有者，即可參加當日嘅拍賣，競投本地漫畫家黃照達設計嘅「譚仔姐姐系列」，以及由甘小文設計嘅「三哥人物系列」特別版NFT。

每個「Souper Hero」特別版NFT嘅拍賣底價為$2,000，以法定貨幣（Mastercard或VISA卡）進行拍賣，每次叫價$100，價高者得。成功競投嘅人，除可享多重優惠，如譚仔或三哥VIP會籍等，更可獲得一年365碗免費兩餸米綫（每日一碗），及尊享喺譚仔或三哥舉辦私人聚會——「Souper米綫派對」嘅機會乙次㗎。