馬會「仲夏‧維港」 海濱賞藝術裝置

由馬會獨家贊助嘅「仲夏‧維港」昨揭開序幕，即日起大家可親臨6個期間限定、以仲夏為主題嘅海濱地點，參加不同活動及觀賞裝置藝術。黛安知道，6個海濱場地包括灣仔「HarbourChill海濱休閒站」、「The Connector添馬海濱長廊」、灣仔「水上運動及康樂主題區」、堅尼地城「卑路乍灣海濱長廊」、炮台山「東岸公園主題區」及「荃灣海濱長廊」；7月起喺多處海濱地點亦有遙控模型巴士畀市民租用玩樂。

馬會主席陳南祿話，今次「仲夏‧維港」活動嘅裝置藝術點綴咗海濱，即將開幕嘅香港故宮博物館也會成為維港矚目地標。「今年係香港特別行政區成立25周年，馬會好榮幸支持香港特區政府舉辦一系列紀念活動，盼能為社會注入更多正能量。」