麥當勞炒雙蛋飽增兩成員 $19起歎炒雙蛋飽配奶茶

黛安向來好重視早餐，因為一個美味早餐先可以帶嚟Good Morning。公關姊妹話，麥當勞即日起會為炒雙蛋飽系列增添2個新成員，包括炒雙蛋飽及炒雙蛋脆雞飽，令每一個生活忙碌嘅人都可以享受一個Soft Morning！

炒雙蛋飽系列嚴選A級大蛋，濃郁蛋香滋味加倍，為大家注入滿滿能量。全新炒雙蛋飽以鬆軟小麥麵飽夾住嫩滑炒雙蛋，搭配開胃醬汁，為大家提供一個輕盈之選。至於全新炒雙蛋脆雞飽更喺金黃香口嘅脆雞上，加上香滑炒雙蛋，令口感更豐富，加倍滿足。仲有固定成員炒雙蛋火腿包和新餐肉炒蛋飽，每款滋味唔同，而家只需$19起，就可以歎到「全新軟綿綿炒雙蛋飽配濃滑港式奶茶」喇！

此外，即日起至6月26日，喺麥當勞店內掃描張貼嘅AlipayHK宣傳單張，進入麥當勞「品牌Channel」，即可領取$5電子禮券，每人最多可領2張，咁就可以慳番$10喇。