東港城「The Dessert Museum」 香港站獨有VR超現實甜蜜體驗

暑假最佳活動，梗係去商場行街街啦。黛安收到風，東港城7月中特登引入海外大熱嘅人氣夢幻打卡展覽「The Dessert Museum」，場內除咗有超巨型嘅6米高甜甜圈滑梯、棒棒糖搖擺、馬卡龍巨型茶壺布景，畀各位少女盡情「甜蜜蜜」打卡影靚相外，仲有香港站獨有嘅超大黃金蛋撻彈床，成班朋友一齊玩玩跳跳，夠晒青春無敵。

公關姊妹仲話，「The Dessert Museum」喺杜拜、新加坡及馬尼拉展出後收穫超高人氣，香港站獨家嘅仲有VR超現實甜蜜體驗，玩家可置身種滿金黃色香蕉嘅仲夏沙灘，戴住VR眼鏡360度體驗「元宇宙甜點藝術展覽」，仲可以用智能手機玩互動遊戲，完成元宇宙同商場內終極任務後，更有機會換到「The Dessert Museum」官方限量NFT、主題禮品或者電子現金券㖭。

活動詳情

日期︰14/7至4/9時間︰10am至10pm

地點︰東港城一樓展覽場（港鐵坑口A1出口）