星街小區「Recycle Your Bottles」 回收膠樽植新樹

近年大家嘅環保意識都提高咗，黛安聽公關姊妹講，最近星街小區推出「Recycle Your Bottles」回收活動，收集到嘅膠樽會再轉化為再生物料，打造聖誕裝置；為鼓勵大眾回收，仲會以每位參加者嘅名義種植一棵小樹苗㖭。

由即日起，星街小區將喺金鐘及灣仔一帶限時設置16個PET膠樽收集點，例如太古廣場L1層近金鐘道出入口、L2層近行人天橋等。參加者只要進行4個簡單回收步驟，即可獲本地植樹機構EcoMatcher代為喺尼泊爾森林種植一棵小樹苗，市民仲可以喺EcoMatcher網站為小樹苗改名，及追蹤生長情況等。至於活動收集到嘅PET膠樽就會交到屯門環保園嘅塑膠回收設施，經處理及轉化成塑薄片，再交由星街小區化身為今年嘅聖誕布置，一齊見證大家嘅減碳成果。活動詳情可【按此】參考。