【聲明】港生活網站並無進行電話推廣活動

葉潔馨
葉潔馨

高手在民間

發佈時間: 2022/06/24

高手在民間

年前收到一個朋友送贈的黑色Pleats Please手袋,其袋型實用,黑色又易襯衫,十分喜歡!於是,日又用,夜又用,只係work from home嗰排無得用啫!

但是很可惜,正因為我日用夜用,手袋底部磨蝕得多,尼龍質地的4個袋角磨到「被口」,變成4粒白點!拎出街實在肉酸,惟有將之打入冷宮,一段時間無拎出街,但每次一開櫃見到它,都感到傷心惋惜!

有日經過利源東街,醒起三和皮具手袋的黃生,幾年前幫我修補過一個鱷魚皮唇膏盒,手工造得非常細緻,修補過後回復了9成新淨!於是便將櫃裏的Pleats Please手袋重新拿出來,帶給黃生進行修理!

這次搵黃生,佢無乜出聲,只說「試下」。兩小時後回去找他,手袋底部的4粒白點完全消失,實在令我喜出望外!縱然手袋底部的尼龍是挺硬的,黃生仍可以用手縫袋,成功修理好,確是巧奪天工!

多得黃生,我又可以再一次拿着心愛的手袋出街了,真係好到極啦!

有不少客人會將舊了或破了的名牌手袋拿給黃生修理,他收費合理,手工精細。如果大家的手袋有甚麼奇難雜症,都可以試試找「黃醫生」,睇下救唔救得返!

(本欄逢周五刊登)

撰文: 葉潔馨 資深廣播人,現為公關公司總裁
欄名: 一匡絮語