【聲明】港生活網站並無進行電話推廣活動

黛安
黛安

天星小輪「人、情、味」攝影比賽 用影像說香港故事

發佈時間: 2022/06/29

天星小輪「人、情、味」攝影比賽 用影像說香港故事

唔經唔覺,天星小輪已邁向125周年,適逢今年係香港特別行政區成立25周年,天星小輪將舉辦一個「人、情、味」攝影比賽。天星小輪總經理周卓賢先生同黛安分享,佢話天星小輪為港人服務逾百年,見證香港及維港兩岸嘅變化,係唔少港人嘅集體回憶,希望透過今次比賽,收集全球嘅參賽作品,多角度展現香港和天星嘅「人、情、味」,一起說好香港故事!

黛安知道,今次比賽分為「硬照組」及「短片組」,年滿16歲便可參加,即日起可透過天星小輪網站提交最多3幀硬照參賽,並可同時參加短片組。比賽設金、銀、銅獎1名及優異獎5名,獎品包括香港美利酒店2人住宿、天星小輪1︰110模型連幸運號碼證書、免費搭天星小輪1年或特製紀念品等;得獎作品仲可以喺中環、尖沙咀及灣仔天星碼頭巡迴展出㖭。截止日期係7月31日,結果將於9月公布。

撰文: 黛安 消息特靈八卦公關
欄名: 八卦名利場