黛安
黛安

深水埗「世紀大橋」變花海 3D地畫任打卡

發佈時間: 2022/06/30

深水埗「世紀大橋」變花海 3D地畫任打卡

為慶祝香港特別行政區回歸25周年,黛安知道,海盈居民會及青年議會聯同深水埗民政事務處、九龍社團聯會深水埗地區委員會舉辦,並由雅仕維傳媒集團製作咗一個「深♡心花橋賀回歸」活動,活動選址橫跨西九龍公路及連翔道,連接海達邨及海盈邨嘅「世紀大橋」,喺行人天橋上嘅天花設置一片花海,即日起至7月中旬,大家可去「世紀大橋」影返輯靚相。

天橋地面更精心設計咗兩款3D錯視藝術畫,第一款係以花海為天,青草為地作藍本,由香港插畫師以色彩豐富嘅花草樹木,來凸顯石屎森林下大自然嘅另一面;另一款係繪畫出深水埗區內嘅地標建築和街道,如玉石市場、黃金電腦商場等,凸顯區內獨有嘅文藝及創新色彩。市民更可以喺現場以手機掃描指定二維碼或經專屬連結,下載3款唔同設計嘅ig濾鏡自拍打卡,其中兩款仲可透過AR(擴增實境)效果睇到蝴蝶飛舞㖭!

撰文: 黛安 消息特靈八卦公關
欄名: 八卦名利場