海港城時代廣場恐龍展 逾50萬市民到訪

近日海港城和時代廣場聯合主辦嘅「夏日快閃︰機動恐龍展」很受歡迎，黛安都去過朝聖。聽公關姊妹講，過去1個月已有逾50萬名市民專程去睇恐龍，仲帶動咗商場嘅人流，非常熱鬧！海港城「海運觀點」和時代廣場「露天廣場」展出嘅機動恐龍裝置，分別係高約4.6米、12米長嘅機動君王暴龍，以及約3.7米高、9米長嘅機動劍龍，全部都係第一次喺香港亮相。時代廣場嘅展覽會喺今個星期日（10日）結束，海港城嘅展覽將會喺本月17日結束，大家想打卡就要把握最後機會喇。

姊妹話，九龍倉「學校起動」計劃仲安排咗8間中學、共180位學生到訪海港城，由「恐龍@化石工作室」創辦人龍德駿講解下，了解君王暴龍和其他恐龍嘅歷史和知識，近距離研究和接觸古生物化石㖭。