新地商場「夏日旋風大抽獎」 送40萬份Chill級獎賞

下個月就會收到第二期電子消費券，黛安收到風，新地12大商場包括東港城、北角匯、上水廣場、將軍澳中心、Mikiki、PopWalk天晉滙、life@KCC、卓爾廣場、錦薈坊、荃錦中心、荃灣新領域廣場及屯門寶怡商場，將於8月1日至9月30日推出「夏日旋風大抽獎」，送出逾40萬份Chill級獎賞，顧客只要喺上述商場內消費每滿$200，即可獲1+1雙重抽獎機會，隨時贏走豪華房車、iPhone 13 Pro、iPad Air、500萬The Point積分等豐富禮品。

公關姊妹話，單一消費每滿$200即可參加「旋風終極大抽獎」及「夏日Chill住獎」各1次；消費滿$400可參加上述2項抽獎各2次，餘此類推，每張消費單據最多可獲25次參加機會，消費愈多，中獎機會就愈大！

新鴻基地產（銷售及租賃）代理有限公司董事鍾秀蓮話︰「新一輪電子消費券喺8月7日起分階段發放，加上暑假係傳統消費旺季，預料新地12大商場第三季人流及營業額將按季升達30%。」