7CAFÉ+Always On概念店 推多款新店限定新品

返工前買杯7CAFÉ嘅咖啡，係黛安每日嘅指定動作。7-Eleven繼早前喺旺角開咗首間「7CAFÉ+Pop-up」概念店後，近日喺尖沙咀加拿芬廣場打造全新「7CAFÉ+Always On」概念店，現時更有新張優惠，買即調飲品可以用優惠價加配指定新食品。

尖沙咀新店除提供經典咖啡選擇外，更以東南亞風味為靈感，推出充滿特色嘅「本店限定」新品，包括班蘭椰奶西米沙冰爽、鹹青檸味沙冰爽、菠蘿味手搖鹹青檸特飲、士多啤梨味手搖鹹青檸特飲等；加上全新甜品系列如芒果椰汁西米新地芭菲、海苔肉鬆牛角包窩夫及朱古力味奶醬雞蛋仔等，只售$22至$30，大家一定要試下。

例如每份售$25、$40就有2份嘅特色串串雞蛋仔，共有4款口味，好似海苔肉鬆味配上蛋香嘅雞蛋仔，鹹甜適中；每款售$25嘅新地芭菲，用北海道5.0牛乳製成新地雪糕，加入脆脆玉米片搭配椰汁、西米等材料，口感層次豐富。