百佳×GreenChefTM健康廚具 低至2折換購

疫情下大家更注重健康，亦多咗時間喺屋企煮食。黛安聽聞，百佳超市與比利時品牌GreenChef™獨家推出健康新煮意VINTAGE系列廚具，以黑白兩色簡約設計，配別出心裁嘅電木防熱手柄，注入復古元素作點綴；產品更採用不含PFAS化學物嘅優質健康陶瓷不粘塗層，用得更放心。

即日起至10月27日，易賞錢會員喺百佳門市或網店買滿$50，可獲GreenChef™電子印花1個；逢周五、六、日買滿$250有雙倍印花；周一至日喺百佳網店購物每滿$50亦有雙倍印花，儲夠指定印花或易賞錢積分，可低至2折換購，換購期至11月3日。一套9款嘅廚具包括玉子燒平底鍋、炒鍋、單柄鍋、高身平底煎鍋、配蓋湯鍋及平底煎鍋，又靚又實用。