香港電競需要甚麼？

最近同朋友聚餐，有個很有意思的對話。Betty話佢個仔日日打機，話想做電競運動員。我話咁都得？打機都可以叫自己做運動員？Betty答，原來下年亞運會加入電競項目，即是會正式成為運動。

本身有打開機的阿Tim，聽了一陣後終於插嘴︰「電競係咪運動根本唔重要，最大問題就是一個字——錢！」

阿Tim解釋所謂電競，其實就是把電子遊戲職業化，最重要就是有收入。電競的收入是比賽獎金、贊助商和周邊產品。點解內地電競搞到風生水起，香港就唔見影？主要就是內地企業肯搞比賽、肯贊助戰隊又有青訓。

阿Tim又提到最近南華會建議要在加路連山道建9層大型電競館，稱可容納2,500觀眾，就是典型的捉錯用神。現時全港最大的電競場地位於數碼港中庭，最多可容納500人，可是使用率仍然偏低，香港電競缺的不是場地，而是誰肯畀工資班細路。

「如果南華會真係有心搞電競，佢哋應該畀錢整隊南華電競隊，去參加英雄聯盟PCS比賽，而唔係去起一個無需求的電競館。」阿Tim說。

原來電競的生態咁複雜，又學到嘢！

（本欄逢周一刊登）