怡和「心之旅程 」年展 慶祝「思健」20歲

一向關注精神健康嘅黛安，聽聞怡和集團為慶祝旗下精神健康慈善組織「思健」成立20周年，由即日起至本月28日，會喺中環交易廣場中央大廳舉行「心之旅程」周年展。展覽除咗以心形迷宮造型設計，亦會展出「思健」成立20載嘅重點項目、受協助人士創作嘅藝術品，以及義工活動花絮等等。

另外，組織將於本月下旬至10月上旬，舉行以「邁步向前」為主題嘅「齊步上怡廈2022」競賽，現已吸引逾500名來自企業同非政府機構嘅參加者，挑戰行49層樓梯，鼓勵競賽參與者利用自身力量面對挑戰。惟基於疫情，活動將喺各參與公司嘅辦公室內舉行，讓處於唔同健康狀況嘅人都可以安全、便捷咁享受呢個共融活動。

「思健」仲會擴展共融就業計劃Mindbrew，培訓精神健康復元人士成為專業咖啡師，重新融入社會，詳情要密切留意稍後公布喇！