黛安
黛安

領展低碳生活大使李司棋 演繹10項「生活新態度」

發佈時間: 2022/09/08

領展低碳生活大使李司棋 演繹10項「生活新態度」

領展致力推廣可持續環保綠色生活,黛安知道,領展仲邀請咗司棋姐(李司棋)擔任低碳生活大使,佢會親身到東涌富東街市啟動廚餘回收先導計劃,鼓勵商戶將有機廚餘分類及回收,減輕堆填區負擔,同時更可升級轉化成再生能源。司棋姐仲會推廣10項「生活新態度」,包括減少用膠袋、自備餐具、均衡飲食、規律運動、鄰里互助等,鼓勵大家養成愛惜自己、珍惜環境嘅習慣。

領展仲會率先以富東街市做試點,今個月開始推行「富東街市廚餘回收大作戰」,鼓勵商戶將廚餘分類回收,將有機廢物轉化成再生能源,商戶只要評分達標即可成為「綠色商戶」,更可獲超市現金券作鼓勵;由10月下旬起,市民喺富東街市消費滿指定金額,亦可獲現金券喺「綠色商戶」消費㗎。

此外,樂富廣場及TKO Gateway更會增設以可持續發展物料建造嘅氹氹轉遊樂設施,及以太陽能發電板提供照明電源,更附有雨傘除水功能,既提供玩樂打卡熱點,同時寓教育於娛樂,鼓勵市民唔好再用雨傘膠袋,從源頭減塑,宣傳可持續發展嘅環保信息。

撰文: 黛安 消息特靈八卦公關
欄名: 八卦名利場