月光依舊 景致不再

最近公司門鐘響個不停，朋友們送來精緻的月餅禮盒、又大又靚的水果；公司同事亦忙着張羅要送給客戶的月餅……轉眼間，又到中秋節！在此謝過各位朋友過去一年的關顧！

一年容易又中秋！難免讓人懷緬過去。10多年前住的地方，樓宇座數不多，幾幢樓圍成一個大圓圈，中間是一個大草地。每到中秋，樓下草地就會嘈得不得之了！到騎樓俯身一看，必定會見到七彩光影，都是不同款式的燈籠。草地上每每至少有三四十個小朋友拿着不同款式的燈籠周圍跑，大聲笑大聲叫。在樓上看落去，就像見到一群麻雀在跳來跳去，好不熱鬧！

年年皆如是！

轉眼搬走10多年了，直至去年中秋，回去探望舊時住在隔離的親戚兼做節。出騎樓看月光，月亮又圓又大，但草地居然水靜鵝飛！不見小朋友不見燈籠的蹤影。親戚說，當年的小朋友現在已是青少年人，再不會拿着燈籠到處跑了！

原來平常不過的風景，會隨着時光而流逝，只是自己太習以為常，回憶中月圓夜熱鬧的景致，現時已不復再，不禁令人想到應該把握現在、凡事應珍惜、多欣賞身邊的人與事。

藉此，祝願大家中秋節快樂，人月兩團圓，闔府安康！

（本欄逢周五刊登）