黛安
黛安

啟田商場「Kaka Choco Tour」 走進朱古力夢幻王國

發佈時間: 2022/09/20

啟田商場「Kaka Choco Tour」 走進朱古力夢幻王國

近年啟田商場經常以唔同形式及主題活動吸引年輕人,營造為年輕一族嘅聚腳點。黛安收到風,最近商場專屬角色Kaka將商場打造成朱古力夢幻王國,即日起至10月2日舉辦「Kaka Choco Tour」,仲會邀請唔同單位合作,以朱古力為主題帶大家環遊世界!「旅程」會由Kaka做嚮導,帶大家由「心情自動售賣機」外貌嘅魔法門,走入25米長嘅「朱古力世界大道」,享受由朱古力帶來嘅幸福感。

第一站會先到亞洲,一齊喺朱古力魔法便利店「Choco Lab」,隨意搜羅唔同嘅快樂元素,組合成朱古力快樂方程式;大家更可走進充滿歐陸色彩嘅「Kai Tin Café」,探索朱古力嘅歷史趣聞;仲可以喺「朱古力自由斟」裝置,親自調配專屬朱古力飲品㖭。商場更首次夥拍國際廚藝學院,邀請曾獲多項國際獎項嘅朱古力藝術大師霍耀文帶領學員及畢業生,製作出兩座1米高嘅朱古力藝術雕塑於場內展出。場內亦會舉辦市集,售賣朱古力食品、手工藝品及精品擺設等。

顧客亦可憑指定嘅商場消費換領限量版A仔及Kaka「Choco Tour」密氣樽,數量有限,換完即止,活動詳情可【按此】瀏覽。

撰文: 黛安 消息特靈八卦公關
欄名: 八卦名利場