御藥堂20周年 免費請市民搭電車 米雪張敬軒乘派對叮叮出巡

唔經唔覺，御藥堂已經陪伴港人走過20年，黛安知道，御藥堂為咗同大眾分享生日喜悅，下周二（15日）會請全港市民免費搭「叮叮」電車。公關姊妹話，隨着市場對保健品需求漸趨年輕化，御藥堂仲請咗備受老中青喜愛嘅歌手張敬軒做20周年品牌大使㖭。

御藥堂母公司順騰國際（控股）有限公司新任執行董事兼行政總裁林瑋瑭、御藥堂新任首席營運官楊日泉、張敬軒同御藥堂代言人米雪，仲會坐「御藥堂生日派對電車」出巡，電車會喺下周二中午12點，由香港屈地街電車廠出發，途經中上環、灣仔及銅鑼灣。同行仲有兩架分別以3位星級代言人、同御藥堂20周年吉祥物「蟲蟲」和「孢孢」設計嘅主題電車，大家把握機會打卡喇！

為咗向大家呈現全新面貌，御藥堂亦搵咗米雪、苗僑偉、張敬軒、知名導演譚運佳及尹志文製作全新廣告；廣告會喺同日晚8點喺多個平台首播，大家萬勿錯過！