免費直播64場世盃賽 如心廣場睇波兼打卡

世界盃就快開鑼，荃灣如心廣場將陪大家一齊投入足球狂熱，除咗會同Now TV合作全程免費直播由揭幕戰至決賽共64場賽事外，黛安聽聞，佢哋喺11月21日、12月9日及決賽日12月18日仲會舉行睇波派對，由專業評述員MC JIM做現場旁述㖭。場內更設有足球主題嘅巨型3D立體錯視藝術打卡位、考驗腳法嘅投影互動足球遊戲、運動家ADIDAS國家隊球衣專區及零食街等，將世界盃嘅熾熱氣氛帶到現場，讓一眾球迷盡量狂歡。

另外，球迷喺場內消費滿指定金額，更可以憑有效發票換取足球狂熱派對VIP通行證，坐喺最佳位置觀賽，獲得零食飲品福袋等，更有機會與嘉賓玩遊戲及影相，大家唔好錯過喇。