德福Market Place全新面貌亮相 開幕限定法國鮮活麵包蟹每隻$148

喺九龍灣德福廣場服務居民逾15年嘅Market Place，早前經大裝修後重開，佔地逾萬呎，不但提供超過1.1萬款新鮮食材同貨品畀主婦加餸，仲引入本地茶飲品牌「茶狼」，方便上班族同年輕人空閒時，以水果四季春、珍珠烏龍奶茶等8款特色手調茶飲獎勵自己，做嘢自然更有動力啦。

黛安知道，Market Place喺新張期間將推出唔少優惠，包括以半價發售但馬屋精選日本和牛；法國鮮活麵包蟹每隻低至$148，每日限量20隻。為咗照顧忙碌嘅香港人，除咗海鮮櫃位有多款方便餸包發售，該店仲首次引入馬來西亞沙律碗，務求令客人食得Easy又健康。

另外，即日起至12月1日，店內全綫紅酒、白酒、汽酒或香檳買滿6支可享85折，買12支更有8折優惠；清酒亦全綫8折。明日（25日）起仲加推3日日本蘋果限時優惠，2個青森縣王林蘋果只售$19，長野縣甜信濃蘋果都係$23就可以買到2個，街坊要把握入貨時機呀。