天晉滙「『瀛』遊新春夢幻祭」 5大打卡放閃約會區＋賀年市集

為咗迎接新年，黛安知道，PopWalk天晉滙將各期商場打造成「『瀛』遊新春夢幻祭」，設5大打卡放閃約會區及遊樂專區，夢幻喜慶嘅新春裝置絕對係打卡熱點，其中海天晉滙彩虹跑道會打造一條13米長嘅「愛の迷宮」，畀情侶及閨密去探秘；好動嘅朋友則不可錯過粉系「大桔滑梯」及「迴旋情人傘」，既可以打卡，又可與朋友齊齊轉個大運。

「新春夢幻祭」當然唔少得結伴喺浪漫櫻花樹陣下許願，或去戶外瀛亮提灯遊廊漫步，大家仲可帶埋毛孩欣賞迷人景致，一同迎接佳節㖭！

如果未辦好年貨，就要把握機會入貨喇。公關姊妹話，今個星期五、六（20至21日），海天晉滙彩虹跑道將舉行賀年市集，搜羅多款禮品，如搓圓撳扁穀物脆脆禮盒、英國Samuel Smith手工啤、牛家老火靚湯、YELO調味牛油、Les saveurs魚子醬、甜茶禮盒、西班牙紅酒等，款款賣相都好精美，最適合新年團拜時同親朋好友一齊分享或交換賀禮。