黛安
黛安

麥當勞「去麥記lor?」活動 一連5日送5萬份經典美食

發佈時間: 2023/02/07

麥當勞「去麥記lor?」活動 一連5日送5萬份經典美食

早前香港麥當勞作為亞洲首個喺兔年之始推出全球品牌活動「Raise Your Arches」嘅市場,送上「去麥記lor?」活動,取得空前成功,至今吸引逾36萬顧客人次參與贏取10萬份免費經典美食。黛安收到風,麥當勞見活動反應熱烈,噚日起至2月10日,一連5日將加碼送出合共5萬張經典美食電子換領券,延續開心時刻。但要留意,今次活動只供從未喺1月26至2月4日期間參與「去麥記lor?」活動嘅顧客參加。只要追蹤香港麥當勞官方帳號(@mcdonaldshk),到每日指定活動貼文留言「去麥記歎(當日主題美食)lor?^^」、標籤兩位朋友即可參加。

另外,麥當勞更公布首次與信和集團合作,即日起至2月15日喺尖東維港打造「去麥記lor?」全港最大嘅戶外幕牆打卡位,是次品牌活動嘅宣傳廣告雲集多位香港至潮華納歌手及演藝名人和DJ等,包括羅蘭、Do姐、MC張天賦、陳蕾等,帶嚟「戚眉」創意短片及戶外大型廣告,祝願大家兔年喜上眉梢、眉飛色舞。

撰文: 黛安 消息特靈八卦公關
欄名: 八卦名利場