葉潔馨
葉潔馨

難忘的晚宴

發佈時間: 2023/02/17

難忘的晚宴

朋友Adam最近請了一班老友到吹牛會館吃晚飯,這間餐館由他和朋友開設,他親力親為,瞓身打理,真難得!餐館樓底高,裝修雅致,沒有散座,只有4間房,私隱度高,非常適合家庭、朋友聚會,或商務洽談。

餸菜當然也精采!那天晚上的菜單包括︰陳醋一口金沙骨、馬拉盞萵筍、萬壽果蘋果煲豬踭湯、雞油花雕蛋白蒸大蟹鉗、桂花炒蟹肉伴生菜片、紅燒鮑角栗子豬手煲、吹牛鹽香新鮮三黃雞、上湯蒜子浸菜心苗、臘味煲仔飯、棗皇蓮子四寶茶。其中一道話梅小紅茄甚得我歡心,小紅茄十分新鮮,話梅汁的調味好味到不得了,令人胃口大開,是十分「稱職」的開胃前菜!

我向來鍾情於豬手,因此縱然那道紅燒鮑角栗子豬手煲上枱時我已經飽到傻,仍然密密夾,吃個不亦樂乎。Adam太太莊偉茵知道我喜歡這道菜,讓我包走一大碟。第二天在家翻熱來吃,依然好味!

雖然這餐飯非鮑參翅肚,但有時候並不一定要有名貴的食材,才算食好嘢!餐館大廚將平凡的食材發揮得淋漓盡致,盡顯功架,值得再訪!

(本欄逢周五刊登)

撰文: 葉潔馨 資深廣播人,現為公關公司總裁
欄名: 一匡絮語