McCafé黑糖珍珠系列即日登場 優惠價$23起

麥當勞繼早前推出充滿古早夜市情懷嘅鹽酥麥炸雞系列後，黛安收到風，McCafé即日起亦會接力為大家送上凍黑糖珍珠奶茶及全新凍黑糖珍珠鮮奶咖啡！

大家都知道，要沖一杯香濃珍珠奶茶，茶底、珍珠都要好講究，今次McCafé推出嘅凍黑糖珍珠奶茶茶底就係用錫蘭茶葉，茶味香濃帶甘。醇厚濃滑嘅奶茶入口幼滑，再加入煙韌彈牙嘅黑糖風味珍珠，口感豐富。至於全新凍黑糖珍珠鮮奶咖啡，就以香濃咖啡作基底，融合埋沖繩黑糖糖漿和特製3.7鮮牛乳，再配上煙韌黑糖風味珍珠，令人一試難忘。

即日起，顧客無論使用麥當勞App嘅電子優惠券或直接到McCafé購買，都可以優惠價$23歎返杯凍黑糖珍珠奶茶（原價$33起）或以$28歎全新凍黑糖珍珠鮮奶咖啡（原價$33起），配埋鹽酥麥炸雞系列，即可打造最強夜市美食Combo啦。