終於除得口罩

香港終於撤銷口罩令了！已經戴咗3年口罩嘅你，而家除得罩，你會好開心？唔放心？定係反而唔習慣呢？之前我試過唔記得戴口罩，發覺啲人望我嘅眼光好似我無着底衫咁，赤裸裸咁非常唔好意思。今時今日終於可以名正言順唔使戴，我反而依依不捨，自己都會喺某啲情況同環境下戴住安全罩防衞。

當大家終於可以自由自在，喺人多嘅地方，病毒細菌更加自由自在，我之前見過有個阿叔整開個口罩打乞嗤，之後再戴返，當時我慶幸自己有個安全罩保護住，如果佢咁肆無忌憚打乞嗤而我又無戴口罩，真係會嚇死我！

其實我發覺自從戴口罩後，我朝早出門口都快咗。因為起身梳洗完之後，唔使再趕住執個樣；再趕啲，連個頭都唔使梳，戴頂帽，成個look神秘又美麗！真係超級方便呀！更重要嘅係，畀我發現到一個用銀織科技嘅秒殺滅毒口罩，佢有別於傳統醫用口罩，除咗採用美國太空總署（NASA）指定嘅IONIC+™技術，已經證實咗病毒細菌一旦接觸口罩表面，秒間已能消滅及抑制細菌。

因為呢隻科技囗罩係用純銀織入布料，以達到自我殺菌功能，而且佢唔焗，唔會令我皮膚敏感或生瘡，最緊要係除臭，仲有埋UPF50+防紫外綫，可以唔使日日洗口罩，合乎環保意識，最緊要係佢哋好fashionable，可以互相配襯！既fashion又有protection！我都唔會完全離晒大罩，何樂而不為？（本欄逢周四刊登）