OSA清酒祭3.26舉行 品賞逾百間酒藏作品

黛安同幾位好姊妹都鍾意飲清酒，公關姊妹報料，由日本酒業連合會主辦嘅「OSA SAKE FESTIVAL」，將於3月26日喺旺角帝京酒店KOUDA香田日式料理舉行，聽聞來賓可以喺活動時間內，有序品賞嚟自日本超過100間酒藏嘅作品。

活動期間，仲會展出OSA 2022年度過百款清酒，當中包含OSA 2022得獎款式，加埋來自40多個都道府縣嘅清酒，合共超過200款清酒。姊妹話，大會當日更特設「亞洲清酒大賞」9大分類導賞環節，兼有歷屆評審及OSA成員帶大家深入了解各類清酒嘅魅力。參加費用為$580普通門票（非會員），日本酒業連合會嘅會員可享5折至3折購票優惠。活動詳情可【按此】瀏覽相關資訊。