麥當勞「Pie Day」 明日$3.14歎蘋果批

科技進步全賴數學支持，適逢聽日就係一年一度嘅Pi Day（圓周率之日），當然要食個Pie慶祝啦。黛安聽公關姊妹講，麥當勞將以$3.14超筍價推出「3.14 Pie Day」驚喜優惠，聽日麥當勞App用戶憑電子優惠券，就可同親友歎到熱辣辣、脆卜卜嘅蘋果批，一齊享受Pie Party。

同場仲有滋味十足嘅台式美食，只需$20就可以喺下午茶時段享受鹽酥麥炸雞雞槌，配蘆薈冬瓜茶。晚餐想食豪啲，用$39就可以歎到鹽酥麥炸雞套餐，加埋香滑薯蓉就更滋味。另外，用$23或$28電子優惠券，仲可買杯McCafé凍黑糖珍珠奶茶或凍黑糖珍珠鮮奶咖啡，黛安唔使離開辦公室都好似去咗轉台灣咁。