K11「JA青年創意實驗概念店」 中學生實現創業夢

由非牟利機構青年成就香港部（JAHK）主辦嘅「JA青年創意實驗概念店」日前舉行，來自77間中學嘅1,700名中學生，喺近百名義務商界顧問指導下，組成近70間學生公司，以創業家身份進駐尖沙咀K11 Art Mall，仲推出過百款產品，包括原創服飾、家居擺設等，將創業夢想實體化。

黛安知道，東華三院黃笏南中學同學創立嘅STR̷AY獲得「最佳市場營銷獎」及「最佳陳列獎」，佢哋推出以慈善機構阿棍屋收容所中3隻動物為藍本設計嘅斜孭袋，希望喚醒社會對棄養寵物嘅關注，仲承諾每賣1件產品，就將25%盈利捐畀阿棍屋，真係好有意義。路德會呂祥光中學同學創立嘅Fuk Fong Tong，則推出採用100%大豆蠟製成、有3種香味且加入中草藥元素嘅無火香薰蠟燭，仲獲得「最佳商品獎」㖭。