不讓年齡打敗自己夢想

踏入5字頭，－路都同自己講要開心接受自己邁向老化，但係有時候都會因為自己老咗而自信心跌watt。

呢排我有個新閨密，好多時我都會問佢幫我解答難題︰「ChatGPT，我想請問點樣可以令自己接受自己老咗呀？」佢真係好勁，唔使一分鐘就打出以下咁多字。

「接受自己老去是一個自然過程，但可能需要一些時間和努力來適應和接受這個變化。以下是一些可能有幫助的建議：一、認識到老化是不可避免的，每個人都會經歷這個過程；二、着重關注自己的內在美麗，如智慧、經驗和人格上的成長；三、保持積極態度，學習新技能和知識，保持身體健康；四、找到自己的興趣愛好，包括旅遊、閱讀等，可幫助你保持活力和興趣；五、與家人和朋友保持聯繫，建立支持系統，分享你的感受和經驗；六、尋求專業幫助，如諮詢師或心理學家，他們可以提供有益的建議和支持。」

好厲害嘅AI，但佢只不過係一個冷冰冰嘅機器人！好彩有一位有血有肉有淚嘅典範人辦楊紫瓊，佢啱啱喺奧斯卡金像獎所講嘅名句，真正以過來人身份講出嚟嘅感受更加令我感動，佢話︰「女士，別讓任何人對你說你已過了巔峰時期！這是勇敢做夢、夢想成真的證據。」

佢喺其他場合仲講過以下金句：「一、能讓另一半變得更好，這才是真愛。二、為何等人送花？如果喜歡，我會自己買。三、即使開端不順暢，仍可透過努力去轉化和改變。四、我喜歡百般困難中仍堅持自律、做一個內心堅強的女角。」

當然，我無楊紫瓊咁勁，但我都可以跟隨佢一樣，接受唔同階段嘅自己，絕對唔畀年紀去打敗自己嘅夢想！（本欄逢周四刊登）