黛安
黛安

迪士尼10K Weekend主題跑 周末舉行 藉活動教孩子綠色運動理念

發佈時間: 2023/03/17

迪士尼10K Weekend主題跑 周末舉行 藉活動教孩子綠色運動理念

社會逐步復常,香港迪士尼跑步盛事10K Weekend將喺今個周末(18至19日)舉行,吸引近1.8萬名跑手和迪士尼粉絲報名參賽。活動會推行多項環保措施,有家長特意帶埋子女參與,趁機教子女綠色運動嘅理念。

黛安知道,香港迪士尼自2016年起,已聯同環團「綠惜地球」喺10K Weekend中推行多項環保措施。今年亦會喺賽道沿途提供飲水機,鼓勵跑手自備水樽,並在現場回收紙杯、膠樽、號碼布夾、香蕉皮等可回收物品。

熱愛運動和環保嘅Sherry與Hudson,今年將與兩個女兒心諾和樂心一同參加其中一項賽事「Duffy與好友3公里跑」。Sherry話,希望透過一家人參賽,教導兩個女環保回收、綠色運動的概念。「我哋平時都會響應環保,例如喺女女嘅生日會,會用紙皮自製裝飾影相;亦會利用廢物製成玩具或裝飾品。」

今年跑手更可首度穿過「奇妙夢想城堡」嘅拱門,迪士尼朋友如Duffy與好友、Marvel超級英雄等及一眾演藝人員,都會沿途為跑手打氣。Sherry亦計劃善用家中嘅物資,與女女自製迪士尼主題頭飾,開開心心去參賽。

撰文: 黛安 消息特靈八卦公關
欄名: 八卦名利場