黛安
黛安

KFC全新「韓式蒜香系列」 炸雞+巴辣香雞翼「肉」罷不能

發佈時間: 2023/03/17

KFC全新「韓式蒜香系列」 炸雞+巴辣香雞翼「肉」罷不能

KFC不時都會推出新產品,黛安收到風,為咗畀大家喺香港都歎到韓式美食,KFC剛推出全新嘅「韓式蒜香系列」,包含兩款期間限定美食「韓式蒜香炸雞」同「韓式蒜香巴辣香雞翼」,一眾「韓粉」或「蒜粉」都能夠大飽口福,最平$19就歎到喇。

呢個系列使用嘅韓式蒜香醬油係KFC精心調配,配合香脆濃郁嘅香脆蒜粒,令蒜香由內到外都風味四溢,一啖咬落去,蒜香濃烈嘅香脆外皮同嫩滑多汁嘅雞肉交織埋一齊,味道層次逐級提升,簡直令人「肉」罷不能。

除咗兩款新美食,KFC同時推出期間限定飲品「柚子茶椰果梳打」,清新嘅柚子茶梳打配上Q彈椰果,食完濃味炸雞後飲番啖,感覺煥然一新,買任何套餐只要加$8即可升級飲品,大家快啲去試下啦。

撰文: 黛安 消息特靈八卦公關
欄名: 八卦名利場