領展街市×富豪雪糕 「食咗『鮮』講」 打造街市打卡點＋免費派雪糕快閃活動

多年來領展不斷提升街市嘅設施及配套，為商戶、市民提供更優質嘅營商空間及衞生環境。黛安收到風，即日起至4月30日，領展旗下15個街市會同富豪雪糕首度聯乘，舉辦「食咗『鮮』講」活動，其中8個指定街市會打造成富豪雪糕主題街市，創意版富豪雪糕展覽車仲會「駛進」南昌薈街市、TKO街市及禾輋街市，畀大家盡情打卡。

富豪雪糕車亦會喺指定日子駛入領展街市進行快閃活動，活動期間喺任何領展街市以電子貨幣單一消費滿$50，憑單據即可換領特調雪糕1杯。「Link Up」會員喺參與活動推廣嘅街市展示已洗淨嘅雪糕杯或膠樽，更可於指定時間及地點換領環保羅勒種子紙1張，喺屋企種植烹調用嘅香料，為雪糕杯賦予第二次生命。

此外，領展同時會推出2款限定版精品，包括多功能摺疊式手提籃及特別版富豪購物車，只要成為全新升級泊食易「Link Up」會員，喺指定鮮活街市消費滿$20或以上，即可換領電子印花1個，集齊指定數量印花便可換領獨一無二嘅精品喇，活動詳情可【按此】瀏覽相關資訊。