譚仔「豬皮豬軟骨花椒重慶酸辣湯米綫」登場 配2款chill爽特飲

去年譚仔雲南米線（譚仔）推出花椒重慶酸辣湯底，備受一眾譚仔迷熱愛。黛安收到風，最近譚仔更推出「豬皮豬軟骨花椒重慶酸辣湯米綫」（$44起），加入全新嘅麻辣豬皮，爽口豬皮索滿麻辣汁，配埋含豐富鈣質嘅濃汁豬軟骨，帶來嶄新滋味。

此外，譚仔亦推出兩款全新chill爽特飲，包括「菠蘿味零系可口可樂®特飲」和「水蜜桃味愛玉冰特飲」，為大家瞬間解辣，現時凡點選任何1餸或以上米綫或任何風味小吃，仲可以優惠價加配特飲1杯㖭。

早前譚仔邀請到人氣劇集《和解在後》男女主角趙善恆（恆仔）及蘇雅琳（Ivy So）去中環譚仔率先試食，原來2人都係譚仔粉絲，無辣不歡嘅佢哋對新推出嘅「豬皮豬軟骨花椒重慶酸辣湯米綫」讚不絕口，仲好欣賞2款chill爽特飲夠清爽冰凍，大讚解渴又美味。