「戶戶送」福袋送暖單親媽媽 禮物顯心思

母親節當然要向媽咪致敬啦，黛安聽聞，戶戶送將捐贈花束和福袋畀低收入家庭嘅單親媽媽，為母兼父職嘅媽媽送上愛與關懷。禮物全部由「戶戶超市」直送深水埗嘅聖雅各福群會中心，福袋內有生活必需品，如通粉、麵包、花茶茶包、蜂蜜糖漿和朱古力餅乾條等。每份禮物都帶有獨特祝福，例如花茶有助安心養神；蜂蜜糖漿代表健康和甜蜜；朱古力餅乾條象徵生活中嘅小確幸，真係好有心思。戶戶送希望呢份心意可為媽媽帶來支持和力量，鼓勵佢哋勇敢面對各種生活挑戰。

公關姊妹話，戶戶送嘅生活百貨速遞服務「戶戶超市」提供逾1,200種商品選擇，包括食材、個人護理產品至家居必需品。自去年7月推出以來，亦會定期捐贈剩餘嘅食品庫存畀有需要嘅人，積極實踐「戶戶助人」精神。