City Super響應世界環境日 一系列「減膠」措施 助顧客源頭減廢「塑戰速決」

City Super集團一向支持源頭減廢，為咗響應6月5日聯合國世界環境日嘅主題「塑戰速決」，黛安聽聞，集團旗下品牌包括city'super、LOG-ON及Little Mermaid等，由今個月起將分階段推出全新「減膠」措施，希望為客人提供較環保且可持續嘅折衷方案，除咗推廣自備環保袋，亦以可重用嘅FSC®驗證森林環保紙製購物袋取代塑膠購物袋；仲有出借可以重用保冷劑代替提供冰包；並以環保蜂巢紙取代氣泡膠膜包裝易碎品；更會採用無塑食物紙，以減少使用塑膠保鮮紙包裹散裝肉類及芝士製品。

店內更新設多功能自助環保站，以回收蔬果發泡膠網袋，及循環使用購物袋、紙箱等。集團預計1年可減少逾150萬件塑膠製品，以減少對環境及生態嘅影響。

另外，新措施嘅部分收益會撥捐畀世界自然基金會香港分會（WWF），用作保育及教育用途，一於呼籲大家齊齊加入「Say No to Plastic！」嘅減膠行列啦。