如心廣場×如心園「如‧森之旅」 6米高長毛象現身 以四感探索森林

暑假到喇，黛安見到各大商場都花盡心思打造唔同活動，例如華集團旗下嘅荃灣如心廣場就會帶大家穿越時空，探索遠古世界。由7月21日至9月17日，如心廣場將聯同今年底開幕嘅如心園，舉行「如‧森之旅」活動，畀大家以四感，即視覺、聽覺、嗅覺及觸覺，展開溯古旅程。

活動期間，一隻6米高嘅巨型充氣長毛象，將會喺如心廣場一期露天廣場正門迎接大家；走進商場中庭，大家踏着柔軟嘅草地，企喺設計獨特及以環形燈飾點綴嘅大樹下，恍如置身遠古森林中，可以好好放鬆身心。之後跟隨長毛象嘅腳印，仲會發現不遠處躲藏咗幾位「森之好友」，靜候大家同佢影相打卡㗎。

商場更聯乘本地兩間社企「遊沐」及「Grow Something」，舉辦以環保元素為題嘅工作坊。只要喺如心廣場憑電子貨幣即日消費滿指定金額，即可換領限定工作坊名額乙個，先到先得，換完即止。另外，於場內憑電子貨幣即日消費滿指定金額，仲可換領「微型菜種植套裝」或「動物大板牙玩具套裝」乙份㖭。